Full Highlights | Lahore Qalandars vs Quetta Gladiators | Match 4 | HBL PSL 6
پی ایس ایل 6، محمد حفیظ نے سرفراز احمد کے تمام حربے ناکام بنا دیے
لاہور قلندرز نے کوئٹہ گلیڈی ایٹرز کو باآسانی شکست دیدی، حفیظ اور فخر زمان کی نصف سنچریاں
پاکستان سپرلیگ (پی ایس ایل)6 کے تیسرے میچ میں لاہور قلندرز نے کوئٹہ گلیڈی ایٹرز کو 9 وکٹوں سے شکست دیدی۔ نیشنل سٹیڈیم ،کراچی میں کھیلے جا رہے پی ایس ایل6 کے تیسرے روز 179 رنز کے ہدف کے تعاقب میں سہیل اختر اورفخر زمان نے 7ویں اوور میں ٹیم کی نصف سنچری مکمل کی۔ کپتان سہیل اختر نے سست روی سے بیٹنگ کی اور 26 گیندوں پر 3 چوکوں کی مدد سے 21 رنز بنائے،زاہد محمود نے ان کی وکٹیں اڑادیں۔
فخرزمان سے ذمہ دارانہ بیٹنگ جاری رکھی ،انکا ساتھ دینے کے لیے محمد حفیظ میدان میں آئے۔ میچ کے 11 ویں اوور میں فخر زمان نے اپنی نصف سنچری مکمل کی جو ان کی رواں سیزن میں پہلی نصف سنچری ہے۔میچ کے 11 ویں اوور میں فخر زمان نے زاہد محمود کی پہلی گیند پر چھکا مارا اور دوسری گیند پر ایک رن بنا کر اپنی نصف سنچری مکمل کی جو ان کی رواں سیزن میں پہلی نصف سنچری ہے۔
محمدحفیظ کا ایک کیچ بھی گرا دیا گیا تھا لیکن انہوں نے اس کا بھرپور فائدہ اٹھایا اور24 گیندوں میں اپنی تیز ترین نصف سنچری مکمل کی ،فخر زمان اور محمد حفیظ نے دوسری وکٹ میں شاندار بیٹنگ کا مظاہرہ کیا اور مطلوبہ ہدف 19 ویں اوور کی دوسری گیند پر حاصل کرلیا، فخرزمان نے 52 گیندوں پر 8 چوکوں اور 2 چھکوں کی مدد سے 82 رنز بنائے اور محمد حفیظ نے محض 33 گیندوں کا سامنا کرکے 6 چھکے اور 5 چوکوں کی مدد سے 73 رنز بنائے۔
اس سے قبل لاہور قلندرز نے ٹاس جیت کر کوئٹہ گلیڈی ایٹرز کو پہلے بیٹنگ کی دعوت دی۔ گلیڈی ایٹرز کی جانب سے ٹام بینٹن اور صائم ایوب نے اوپننگ کی اور محتاط رویہ اپنایا لیکن دوسرے اوور میں بینٹن صرف 4 رنز بنا کر حارث رؤف کی گیند پر آؤٹ ہوئے۔ شاہین آفریدی نے تیسرے اوور میں صائم ایوب کو پویلین بھیج دیا، جنہوں نے 3 رنز بنائے۔ لاہور قلندرز نے 7ویں اوور میں کرس گیل کا ایک آسان کیچ گراکرانہیں موقع فراہم کیا، دوسرے اینڈ سے سرفراز نے بھی اچھی بیٹنگ کی ۔
کرس گیل نے موقعے کا فائدہ اٹھاتے ہوئے جارحانہ انداز میں بیٹنگ کرتے ہوئے پی ایس ایل میں پہلی مرتبہ نصف سنچری مکمل کی ، ان کی نصف سنچری میں 4 چوکے اور 4 چھکے شامل تھے۔سرفراز احمد اورکرس گیل نے 101 رنز کی شراکت کی ،کپتان کی اننگز 40 رنز پر حارث رؤف نے ختم کی۔ راشد خان نے کرس گیل کی وکٹیں اڑا کر لاہور قلندرز کو سکون کا سانس فراہم کردیا، گیل 40 گیندوں پر 4 چوکوں اور 5 چھکوں کی مدد سے 68 رنز بنا کر آؤٹ ہوئے۔
احمد دانیال نے اعظم خان کو شاہین آفریدی کے ہاتھوں کیچ کروایا، وہ 9 گیندوں پر ایک چوکے کی مدد 13 رنز بنا سکے۔حارث رؤف نے5 رنز بنانیوالے بین کٹنگ کی وکٹیں اڑا دیں۔ محمد نواز نے اختتامی اوورز میں اچھی بیٹنگ کا مظاہرہ کیا اور 20 گیندوں پر 33 رنز بنائے، انور علی نے ایک گیند پرایک رن بنایا۔ کوئٹہ گلیڈی ایٹرز نے مقررہ اوورز میں 6 وکٹوں کے نقصان پر 178 رنز بنائے۔
لاہور قلندرز کی جانب سے حارث رؤف نے سب سے زیادہ 3 وکٹیں حاصل کیں۔ کوئٹہ گلیڈی ایٹرز کو پہلے میچ میں کراچی کنگز سے شکست ہوئی تھی جبکہ لاہور قلندرز نے پشاور زلمی کو 4 وکٹوں سے شکست دے کر ٹورنامنٹ میں فاتحانہ آغاز کیا تھا۔ لاہور قلندرز کے کپتان سہیل اختر نے کہا کہ ٹیم میں ایک تبدیلی کی ہے۔ کوئٹہ گلیڈی ایٹرز کے کپتان سرفراز احمد نے کہا کہ اچھا کھیل پیش کرنے کی کوشش کریں گے اور ٹیم میں دو تبدیلیاں کی گئی ہیں۔
میچ کے لیے کوئٹہ گلیڈی ایٹرزکی ٹیم سرفراز احمد(کپتان)، کرس گیل، ٹام بینٹن، اعظم خان، صائم ایوب، بین کٹنگ، محمد نواز، زاہد محمود، انور علی، محمد حسنین اور عثمان شنواری پر مشتمل ہے جبکہ لاہور قلندرزکی ٹیم میں سہیل اختر (کپتان)، فخرزمان، محمد حفیظ، سلمان علی آغا، بین ڈنک، سمت پٹیل، ڈیوڈ ویزے، راشد خان، احمد دانیال، شاہین شاہ آفریدی اور حارث رؤف شامل ہیں۔
